搜尋此網誌

2009年10月31日

領袖生們大家好!

"....謹誓".
由右手放下個一刻.
大家都正真成為今年度既領袖生.


而我和另外4位heads 亦正正式式背負住呢頭家.
呢個家.有大有細..個個有唔同既性格.
要了解每一個人...清楚每一個既需要,工作情況...絕對唔係易既事!
不過.難既野.唔代表我地唔會去做! 大家放心

作為其一中一名總領袖生我亦懷住少少既抱負去擔起呢頭家.
我好希望我地咁多位領袖生經過呢一個年頭.大家都有所得著.
不會為今年作為 領袖生 而後悔.!

大家唔知會點睇 領袖生 呢個身份?
"同學既榜樣...好學生既典範...(下刪百多字)"
其實上面既野... 唔講大家都知.
唔知大家有冇諗過 領袖生呢個身份 擁有好多好多既資源.
當值, 訓練營, 義工團,聚會...等等等等......
當中我地有好多好多既機會去令我地成長..
環顧成個yy2.. 好似得領袖生 先有既專利..

一個領袖生..我覺得最重要既.就係熱誠.!!
因為有熱誠就自然會投入! 自然會做好自己!
你話 熱誠. 係幾咁重要!
其實唔止係做領袖生既工作先需要熱誠...
平日好多野.只要有熱誠就一定做得好 =)!
大家不彷試下做一個"熱血青年"!



不如又講講我對大家既感覺同少少既期望

2009年10月28日

【宣誓了】

折騰了好一陣子,終於宣誓了!就職了!齊齊整整、精神抖擻、昂首闊步的你們 -值得欣賞!
欣賞領袖生在綵排時的合作、欣賞領袖生在出席時的準時、欣賞領袖生在等候時的耐性、欣賞領袖生在疲倦時的克制、欣賞領袖生宣誓就職典禮時的『一顆心』  !今天,你/妳的心是熾熱的,望你們/妳們可維持這『一顆心』!
在宣誓就職典禮時我看到一個『團隊』,那種整齊、自動走位、嘹亮聲線 … 都進步了,一年比一年進步,真好!對,就是『團隊』,就是我想要的、想見到的,今天,一個好開始,意味着美好的一年,靠大家了!
五位總領袖生,『家』,交給你們了!看你們了!
黃主任上

2009年8月25日

『挑戰極限(歷奇)領袖訓練日營』


各位 Prefects:

大家好!辛苦既『挑戰極限(歷奇)領袖訓練日營』終於結束了。
響今日之前,從來冇諗過大家會係一班點既學生,但今日見到大家,感覺都幾好。讚你地喎!開唔開心先?開心既就俾啲歡呼聲聽下啦!
今日既活動之中,第一組同第二組各有輸贏,但輸贏並唔重要。比賽只係為左要激發你地既鬥志,正所謂「有競爭,才有進步」嘛。如果唔係因為個比賽,你估你地會點?會唔會可以咁快一組人一齊做野?但希望你地記住,第一組同第二組之間既關係唔係對手,而係咩呀?係 Partners!以後,你地就一齊做野嫁喇。記唔記得我同第二組既同學講過,咩叫一個 Team?記住,你地係 Prefect 「Team」。第二組既同學,記唔記得今日點解響「懸崖運炸藥」你地會失敗?識做野既同學唔主動出黎幫手,而遇到困難既同學又唔主動搵人幫手,咁樣並唔係一個 Team 需要既野。希望你地可以吸取教訓,日後真真正正做到 Team 既效果。加油! Prefect Team 最寶貴既財產,就係你地每一位!

2009年5月28日

【一位領袖生會議後的電郵】


回家有感
  今天我們領袖生開完會議之後,我在回家的路上,不斷思索着為什麼我們領袖生在學校裏是屬於弱勢的一方呢?在我看來,這不外乎兩個方面:[領袖生]和[學生]。


2009年5月16日

【我錯了!我不想離開 Prefect Team!】

我不想離開 Prefect Team!
我錯了!我犯了錯!我沒有生性!我沒夠成熟!我沒懂自控!我沒有自律!我沒有克己!我沒有兌現我的承諾!
可給我多一個機會嗎?我一定會改善!  
想了很多很多!為何犯錯之前不顧後果?為何不愛錫自己?為何不想想關心自己的人會有何感受?為何那麼令人痛心?

2009年4月12日

【感】

二零零九年四月八日,上午六時五十分,青來電:『Miss Wong,我和穩子到了機場,已check-in 了!』
同日午後,十二時五十三分,穩子來電:『Miss Wong,我和青已到了北京,天氣很暖,有二十二度哩!』
青的潛台詞是:『Miss Wong放心好了,雖然真的很早,但我們都知醒,沒有遲到啊!』
穩子的潛台詞是:『Miss Wong放心好了,我們安全到步了,不用擔心,也不用擔心我們會被冷壞!』
四月九日,看到陳總於網誌中上載了『工作時工作、讀書時讀書、遊戲時遊戲』一文,原來不少 prefects 都會向四總滙報測驗成績及溫習情況!
很好!有一種家的感覺!喜歡青和穩子那交帶,窩心的交帶!感動了,尤其看到Josh給大家的鼓勵、給大家的勉勵,很有一種《爸》feel,同意嗎,哈!
還有
四總繼續努力吧,『家』要靠你們維繫的!
黃主任上

2009年4月9日

工作時工作,讀書時讀書,遊戲時遊戲

時間過得好快~話咁快大家又考完統測,大家考成點呢? 有人同我講考得幾好(話要超越呀邊個邊個);有人話d卷好易;有人話進步左好多;有人話考得唔好,成個人變哂......無論點都好,大家都要繼續努力(話我"行"都咁講...)。考得好既~要繼續突破! 有進步既,要訂立更高目標,向更高難度進發! 唔夠好既,當然下次再加把勁啦! 記住! prefects係品學兼優既學生黎架~你地要成為其他同學既榜樣(無錯...prefects就係咁架啦)。
轉眼就放復活節假啦! 測驗後既假期,又係一個比大家休息放鬆既好時間。如果大家覺得在學業上、社交上或家庭上感到有壓力既,就襯呢個假期出去玩下啦~適當既散心係必須既。另外,有咩都可以同我地講,大家都做左最少半年prefect,有咩感受既,please kindly tell us.我地好願意聽你地講野架~
不過,假期好快就會完架啦~(光陰似箭......特別係假期,right ?!) 有樣野身為prefect係好重要既,就係什麼時候做什麼東西~ 工作時工作,讀書時讀書,遊戲時遊戲。最岩係同你地講架啦~ 平時唔可以玩得太"癲",又要準時當值,(又要努力讀書?!) 假期休養生息吧。在20/4回到校園,再認真做你、你、你同你要做既野吧 !
by josh

2009年3月10日

【不喜歡怪責人 更不喜歡怪責 Prefects】

從不喜歡怪責人,尤其Prefects!Prefects 是用來疼愛的!一個稱職的領袖生更加值得疼惜! 

 

2009年3月1日

陸運會

陸運會終於完滿結束。大家係咪都拎到唔少獎牌返屋企呢?唉 ~ 真係慚愧,我一個獎牌都拎唔到......
我相信呢兩日大家都好累。無論係編左入崗既 prefects,抑或無編入崗既 prefects,大家都疲倦了吧。大部份編左入崗既 prefects 都準時到達會場,自動搵我地幫手。更有部分無編入崗既 prefects 自動請纓,叫我地比野佢地做。正因為咁,我地各個崗位人手都好充足。真係好值得讚。但係,prefects 們有時當值既時候態度鬆散,比人覺得就好似同一般同學無兩樣。有小部分既 prefects 亦太貪玩。比其他同學見到你地玩會點呢?你仲夠唔夠膽叫佢地安守本份呢?

2009年2月8日

【每個 Prefect 都好乖】

記得 Josh 準備上任時講過:『班 prefects 好乖,Chris 講野時大家都好靜好留心 !』
Miss Wong 在大嶼山時都講過:『班 prefects 好乖,尤其班低年級,校外活動都穿着全套體育服 !』
結論係『每個 prefect 都好乖』!

2009年2月7日

2009年2月5日

大家庭

  我愛你們,但如果你們對PREFECT TEAM盡力的話,我會更愛你們!!!!
  MS WONG 說了又說,相信沒有人不知PREFECT TEAM是一個大家庭!
       既然是大家庭,大家是一家人我又怎會不痛愛你們?身為HEAD PREFECT的我,就如你們的DADDY MUMMY!世界上沒有不愛自己兒女的父母,我的責擔就是要教導,領導,保護,支持,愛護你們!

yes we can,change we need...

  

  坦白講,在未去之前,我不太願意在假期中抽2日出來,因為我覺得這個camp沒有意思,只會浪費我的時間…不過原來一點也不浪費,還很值得!

ONE TEAM ONE MISSION

Prefect Training Camp完後,我們幾個heads逗留prefect room傾到六時多才回家呢!相信每位回家後都會有一股衝動──睡覺,完全體力透支的身體被睡魔支配着。沒有聽miss wong的吩咐,於即晚完成prefect camp的感想,很早便進入睡眠的狀態。這不禁令我想起教練講過:「不要被疲倦支配我們的身體,反要用意志去控制疲倦」大約是這樣。沒辦法,今次就例外吧,待養足精神後,才繼續衝刺努力啦!

2009年1月27日

領袖生組之『第二次領袖訓練營』(2008-2009)


訓導組聯同導航訓練中心,安排全體領袖生參加『第二次領袖訓練營』,以發展同學之潛能、解難能力、改善人際關係、關懷別人的態度、增加自信、養成獨立處事的能力及團隊合作的精神。詳情如下: 

活動日期: 二零零九年二月二至三日(星期一及二) 
集合時間: 二零零九年二月二日(星期一) 下午一時十五分 
解散時間: 二零零九年二月三日(星期二) 下午約三時三十分 
集散地點: 學校有蓋操場 
訓練營地: 香港基督教女青年會梁紹榮度假村(大嶼山南區散石灣) 
訓練對象: 全體領袖生 
負責老師: 黃潔儀老師、簡德祥老師、鍾劍鋒老師