各位 Prefects:
大家好!辛苦既『挑戰極限(歷奇)領袖訓練日營』終於結束了。
響今日之前,從來冇諗過大家會係一班點既學生,但今日見到大家,感覺都幾好。讚你地喎!開唔開心先?開心既就俾啲歡呼聲聽下啦!
今日既活動之中,第一組同第二組各有輸贏,但輸贏並唔重要。比賽只係為左要激發你地既鬥志,正所謂「有競爭,才有進步」嘛。如果唔係因為個比賽,你估你地會點?會唔會可以咁快一組人一齊做野?但希望你地記住,第一組同第二組之間既關係唔係對手,而係咩呀?係 Partners!以後,你地就一齊做野嫁喇。記唔記得我同第二組既同學講過,咩叫一個 Team?記住,你地係 Prefect 「Team」。第二組既同學,記唔記得今日點解響「懸崖運炸藥」你地會失敗?識做野既同學唔主動出黎幫手,而遇到困難既同學又唔主動搵人幫手,咁樣並唔係一個 Team 需要既野。希望你地可以吸取教訓,日後真真正正做到 Team 既效果。加油! Prefect Team 最寶貴既財產,就係你地每一位!
又記唔記得袁 Sir、我都同你地講過,即使有能力既人,都未必會將一件事做得好。除左能力之外,仲要有「心」。老師提名你地,就證明各位既能力。能唔能夠做個好Prefect,關鍵就在於你地有冇「心」。你地每一個都係自願做 Prefects 既,係咪?咁就要拎個心出黎做喇!坦白講,Prefect Team 唔需要一個冇 Heart 既 Prefect,我相信 Miss Wong 都係咁諗。所以,你入得黎 Prefect Team 或者留得響 Prefect Team既,你就有責任做好佢。Miss Wong 話過,希望 Prefects 能夠做到八十分,唔容易嫁,願唔願意好似今日玩「Trust Fall」咁接受挑戰先?
訓練營入面,有教練提醒、督促,甚至罰大家,大家可以做好自己。但,響學校入面,你既老師或者未來 Heads 冇可能時時刻刻咁睇住你地,亦唔會任何野都教晒你地點做,咁係咪就唔做喇?呢樣其實都係你地要學既野黎嫁。同埋,俾啲信心自己,「你係得既!」。記唔記得,「答錯罰唔罰?」、「唔答罰唔罰?」?同一道理啦,自己諗下啦!
其實,我都冇咩特別野想同大家講,只係想分享下啫 … 無謂寫二萬字出黎嚇親大家啦。哈哈 … 有緣的話,二月既訓練營再見大家啦。有緣的話 … 第二組既同學,記唔記得應承左我啲咩嫁?記住要做得到呀,唔好下巴輕輕,A promise is a promise!希望大家會記住響訓練營入面學到既野,唔止記住呀,仲要應用返出黎,學以致用嘛。
最後,俾個任務大家,就係 … 記住同我好好地錫住 Miss Wong 呀!Miss Wong,辛苦你喇。
新學年,新開始,準備迎接新既挑戰吧!我準備好喇,同學們,你地準備好未呀? Come on,baby!
Your Ex-Head Chris
沒有留言:
張貼留言