記得 Josh 準備上任時講過:『班 prefects 好乖,Chris 講野時大家都好靜好留心
!』
Miss Wong 在大嶼山時都講過:『班 prefects 好乖,尤其班低年級,校外活動都穿着全套體育服
!』
結論係『每個 prefect 都好乖』
!
『攀爬石澗』時,見到幾條『人鍊』,有《林潤基、趙展風、呂志偉》,有《洪彥麟、梁延汛、呂其源》,有《劉亮岐、陳佩珊、張富昆、陳總》,仲有 ……,就係佢地,就係佢地拉大家上去,團結就是力量,團結就可以解難!Prefect Team 要團結
『飛越橫樑』一開始時,1分17秒只過得一人,大家惆悵了!冇計劃、冇組織!盧 Sir 火了,不斷問:「Head Pre 死晒呀?」對,的而且確,Head Pre 真要站出來了!要帶領、要指導、要發令,蛇無頭真的不會行啊!就這樣,大家都不怕手有臭腳味、不怕損手爛腳、不怕手跛、不怕褲甩、不怕犧牲、不計較、不放棄,就為要大家成功!黃德群、周俊朗都咬緊牙關,在大家支持下,鼓勵下過去了!還有,一把男聲帶領同學不斷嗌《YY2加油》,係陳總嗎?YY2一定可以加油,因為『每個 prefect 都好乖』!
『攀越十四呎高牆』失敗了
!
記得陳總貼失敗一紙上高牆時的一番話:『貼唔緊要,寫都唔緊要,有日期嘛,今日失敗啫,貼咪貼囉,冇人唔失敗架!我地二零零九年二月三號失敗,聽日呢?失敗乃成功之母!我地驚 d 乜?YY2!YY2!貼咪貼囉,係未?有冇信心?有冇信心?』
記得洪彥麟喊住同大家道歉、喊住激勵大家
!(佢仲話因自己係低年班,高年班同學唔聽佢講,以後大家日日搵佢,聽佢講,哈!)
大家都要再試一次!因為要為錯失承擔,學習改善,嘗試成功滋味!再試一次,會受教訓、被懲罰、要爭取機會、時間還被減少、才可嘗試,才會嘗到成功的滋味。
洪彥麟話 - 唔想輸、唔想失敗留於營中被人恥笑!
王光正話 – 唔想帶住失敗離營!
趙嘉俊話 – 要爭取應得嘅野,就算這遊戲輸左,也要輸得瀟灑過人!
關 立話 – 這失敗的一張紙,我只係敷衍講一句:So what! 那又如何?失敗可以重新看,把自信從地底泥扯番上黎,放回自己心內,這樣做,這張紙遲早也被撕下來,所以我相信,我地 Prefect Team,有自信、團結,我唔相信會被這張紙壓着我們一世!
呂志偉話 – 我做 prefect 只做埋今年,下年你地做架,係未一定要高年級講完,才到低年級?講真我冇乜所謂喎!
風靈話 - 邊個未失敗過?只要我地知道自己錯乜,我地又唔係冇能力,我地有喎!我地只係冇左份心啫,只要知道自己衰乜,加多幾錢肉緊,將自己應有能力表現出黎咪得囉!
馮凱兒話 – 失敗個個都有架啦,唔失敗就唔會成長,喺邊道跌倒,咪喺邊道起番身,如果唔起番身,就註定永遠失敗了,加油大家!
趙展風話 – 雖然失敗了,大家都會好 hurt,但只要有拼搏精神,堅持落去,永不放棄,始終都可以成功!
潘家希話 – 我地要出黎試多次,應該比Miss Wong 覺得冇揀錯我地出黎做 prefect!佢揀得我地出黎,就係對我地有信心,我地應該攞番個失敗落黎,應該要貼上成功比佢睇!
Caroline話 – 因為以前只懂逃避,遇到困難,只會逃避不會解決!這次真的遇到挫折了,希望我可以同我所有組員,同Prefect Team 的朋友,一齊去用 team work 解決這困難,不再逃避!
劉亮岐話 - 入得這個 camp 就應該有責任和毅力去完成它,不應因失敗這兩個字就放棄!
呂其源話 – 我地入得呢個 camp,帶得 prefect 呢個章,就一定要成功,唔要失敗,我地係一個團體,一係就唔做,一係就要一齊做!
陳佩珊話 – 做左三年 prefect,都未試過咁失敗,希望可以做多次!
家琦話 – 我唔相信我地學校係第一次,其它學校亦有同樣經歷,點解人地做到我地做唔到呢?我地能力係有,但點解大家目標唔係向住同一方向?我覺得大家向住同一方向,一同努力,我地一定做到嘅,我信任大家,希望大家都信任我!
陳麗斯話 – 知道自己有錯,自己去改便可以了,為何一定要認為自己會輸?自己有信心的,對嗎?
陳紫欣話 – Prefects 係要有領導能力的,剛剛失敗了,下次便要成功,不要令學校冇面,不要令 Prefects 冇面!
李卓熙話 – 這遊戲只是我們做 prefects 所面對的一個小小困難,如果我地咁多人也不能一齊把這困難消滅,我地日後面對的問題將會愈來愈多,愈來愈難對付,所以我地要全部人爬上去,我地要成功比人睇!
徐學希話 – 失敗算是甚麼?有誰未試過失敗?Miss Wong 試過、教練也試過、個個都試過,但如果努力將失敗轉為成功,那便可以了!
李穎婷話 – 相信只要大家努力,一定可以完結這個失敗!
石婉恩話 – 到現在,已完成了很多活動,所以唔可以帶上這失敗,要把它也完成!
林禮傑話 – 要做多次,要親手將失敗這兩個字撕落黎!
陳敖朗話 - 因為我地係 prefects,要承擔,要面對挑戰,唔退縮,所以我地要將失敗拎番落黎!
李錦雄話 – 當教練話我地失敗時我好嬲,唔係嬲你地,係嬲我自己未做到最好,所以希望有多次機會,我會盡全力,將這個失敗拎番落黎!
穩子話 – 我地琴晚遊戲頭三分鍾都係失敗,就好似而家咁,我地第一次都係失敗,但第一次失敗唔代表我地第二次唔得喎,琴日嗰十分鍾,我心諗我地一定肥梗,但係我地都成功左,十分鍾過左咁多個人,點解今日十五分鐘唔可以過晒去?其實我地唔係唔得喎,我地係得架,只係未盡力,我地今次一齊盡力好嗎?
鍾總話 – 我頭先喊唔係因為失敗,我頭先嗌致聲嘶力竭,F.2女孩子都若無其事,都不作聲,嗌她們三、四次都唔理我,男孩子則搏晒命扶大家!我覺得自己冇領導能力,最基本領導者係令到大家團結,問題係我唔知點做!女孩子冇力我明,但為何嗌加油都唔肯?其實我好鍾意你地,組內個個都做得好好,希望以後可以靠每一位力量去做好Prefect Team!
陳總話 – 好簡單,要完成這任務,只要全部人都想贏!頭先只有部份人想贏,如果要贏,就要全部人都主動去做,想要贏,就要做,唔係舉高手就贏,唔係嗌就贏,要拼搏,就可以贏!大家企喺道,會係諗緊乜野?會唔會係諗緊,好曬、唔想企、想走?如果係咁諗就行出黎!如果係諗緊想黎多次、點解會唔得、想掉番張紙落黎,就比心機再黎多次!
........ 你 / 妳仍記得自己說過甚麼嗎?
結果?11分42秒!59人成功地過了十四呎高牆!因為『每個 prefect 都好乖』!
結果大家撕毀失敗,貼上成功
!大家互相欣賞、互相感謝,同性擁抱、異性握手,喜極而泣
!因大家學懂了機會不是常常有!因大家學懂了感恩!因為『每個 prefect 都好乖』!
大家學懂了的會否延續下去?會否繼續互相欣賞?互相欣賞時會否發揚「同性擁抱、異性握手」?會否仍然互相支持、互相補位?會否仍像在營中,不斷嗌阿 Head、Vice Head?我相信會,因為『每個 prefect 都好乖』!
四總請謹記,我要四位 Leaders,並不是 Organisers,也不是 Workers,更不是Followers!當四總係 Leaders 時,每個 Prefect 都應該係一個 Leader!Prefects 唔止要乖,仲要做好領導角色,可以嗎?
黃主任上
P.S. Vincent 同劉偉聰「練」骨都好掂
!
沒有留言:
張貼留言