搜尋此網誌

2008年12月13日

第一次的日記

今次BBQ係我地4個上任後GE第一個活動,老土講句:對你地GE認識真係加深左。呢一日令我地4個筋疲力竭.....縱然如此,我覺得呢次BBQ是一個很值得紀念的日子......

由一開始講起,我地係一個星期前已經開始準備,亦同組長開過幾次會。我發覺搞一個60幾人的BBQ會遇上好多問題.....小至食物GE份量,大至各人意見GE不同,都係我地面對GE困難。其實,我知道好多人有時都會對head prefects or vice 有好多期望..但係我地都只一個普通ge學生,加上我地其中3個又無做過prefect ge經驗,所以好多時都要靠一班有經驗ge組長幫我地手....
係度衷心同一班組長講一聲: 唔該晒你地!同埋希望你地會繼續幫我地....
到左星期5放學後ge第4次全體大會,落到去lecture hall果陣,見到呂其源,黃德群同張詠龍已經到左......真係好感動,你地好有責任心!但係.............當開會ge時候,發現遲遲都未齊人,只有寥寥可數ge prefects到左,心裏面有點無奈......在此,希望你地係每次開會都準時出席!有其他事做ge話記住同地講聲啊。同埋我知道有部份人為左準時開會,而係test完之後跑落黎,真係好感動.............
跟住我地就出去買野食,分左3-4組,我果組負責買零食同飲品。多謝我果組ge成員:陳俊宏、李錦雄、馮春建...........................仲有淨係負責拎5包輕過氣球ge薯片ge呂志偉!的確係好幫手.. 果2支2L ge汽水,真係拎到我手斷.....不過係過程中,有呂志偉不停咁搞gag,真係幾開心ge....當我番到學校果陣,發現michael同陳敖朗已經幫手起緊爐,果然個個prefects都好幫得手!但其他組都未番到黎,心裏面有d內疚,因為我果組只係負責最易買ge零食,所以要係度多謝另外3位partners同埋佢地ge組員!
去到6點幾,大家都開始燒野食,但係我地4個都未開始燒...因為要睇下仲有咩需要幫手,又要買多d食物,我地全晚都冇乜點食過野。係度要特別多謝好多prefects係咁燒野比我食,尤其係呂志偉。bbq果陣,同你地傾左好多偈,認識到大家唔同ge一面。仲有,抽獎ge禮物雖然唔係好特別,不過都希望中左獎ge你地會覺得開心.....
最後,超級多謝幫手清理非常混亂的現場ge同學,我見到果幾灘黑過芝麻糊ge碳,真係無言以對!好彩Josh諗到掃完之後用水淋散d污漬,咁先至好d......不過一諗到上pe堂果陣,d人見到一達達黑色ge污漬,就好想笑...希望工友快d幫我地手清走佢啦....
仲有.....最值一提ge係ms wong,雖然佢話唔會插手幫我地,但係其實一直都暗中提醒,又津貼左我地bbq...thank you.....

sorry...成篇野好長,你地意就睇,唔鐘意都要睇下啦...因為呢d都係我ge肺腑之言...不過你睇到呢度都證明你已經睇晒啦~
點都好,多謝你地。
by man

沒有留言:

張貼留言